भारतीय गायक अनुग्रहको नेपाली गीत ‘नशा’ सार्वजनिक (भिडियो)

अमेरिकाको डलासमा छायांकन भएको नेपाली गीत ‘नशा’को म्युजिक भिडियो रिलिज भएको छ । शान भुसालको शब्द तथा संगीतमा बनेको यस गीतमा भारतका प्रसिद्द गायक अनुग्रह बिष्टको स्वर छ । ‘नशा’को रेकर्डिंग मुम्बईको बीबीजे स्टुडियोमा भएको थियो ।

लुसेन्ट फिल्मको ब्यानरमा निर्मित गीतको भिडिओ निर्देशक बिकास बराइली हुन् भने सहनिर्देशक प्रज्ज्वल वाइवा हुन् । भिडियोमा जोर्ज ओटेरो, एलेक्सजेन्ड्रीया पास्कुसी, अंकित शर्मा र दिपेश आचार्यको अभिनय छ । भिडियोमा छायांकन तथा सम्पादन समेत निर्देशक बराईलीले नै गरेका छन् ।

भिडियोलाई ‘म्यूजिकल फिल्म’को रुपमा एक कथा सहित उतारिएको संगीतकार भुसालले बताए । भिडियोमा एक युवकको कारण पतिपत्निको सम्बन्धमा आएको समस्या र त्यसबाट घटेको घटनाको कथा देखाईएको छ ।

संगीतकार भुसालले ‘जदौ’ नामक फिल्ममा समेत संगीत दिएका छन् ।