फिल्म ‘म यस्तो गीत गाउँछु २’ को प्रदर्शन मिति अझै अन्योल !

माघ १९ गते रिलिज हुने भनिएको फिल्म ‘म यस्तो गीत गाउँछुको प्रदर्शन मिति अन्योल बन्दै ।

केही दिन अघि मात्रै फिल्म ‘म यस्तो गीत गाउँछु २’ को प्रमोसनल गीत छायांकनका लागि चितवनको माडी पुगेर टिम काठमाडौं फर्किएको छ ।

छायांकनका लागि निर्देशक सुदर्शन थापा, नायक पल शाह, नायिका पूजा शर्मा लगायतको टिम माडी पुगेका थिए ।

चितवन माडी छायांकन भएको गीतको भिडियोमा पूजा थारु संस्कृति झल्कने पहिरनमा छिन् । केही हप्ताअघि फिल्मकै लागि ‘भन्छु आज मनका कुरा’ बोलको गीतको केही दृश्य खिचिएको थियो ।

प्रचार सम्म सुरु नगरेको ‘म यस्तो गीत गाउँछु २’को निर्माणपक्षले फिल्मको प्रदर्शन मिति माघ १९ गतेलाई तोकिसकेको छ । कोरोनाको नयाँ लहरका कारण स्थिति फेरि बदलिएपछि यसको निर्माणपक्षमा अन्योल देखिएको छ । संक्रमण अझै बढ्दै गएको खण्डमा फिल्मरको प्रदर्शन मिति सार्ने सोच निर्माताको छ ।

अझै पर्ख र हेरको अवस्थामा परेको ‘म यस्तो गीत गाउँछु २’को टिमलाई कोरोना महामारीले सबैभन्दा बढी चपेटामा पारेको छ ।