फिल्म ‘द लेडी किलर’मा अर्जुनलाई साथ दिदै भूमि

बलिउड फिल्म ‘द लेडी किलर’ केही समयअघि घोषणा भएको यो फिल्ममा अभिनेता अर्जुन कपूर रहने पक्का भएपनि नायिका फाइनल हुन बाँकी थियो ।

अजय बहलले निर्देशन गर्ने यो फिल्ममा अब भने अभिनेत्री भूमि पेड्नेकरले अभिनय गर्ने भएकी छन् ।

यो फिल्म मार्फत अर्जुन र भूमिले पहिलोपटक पर्दामा जोडी बाँध्दैछन् । ‘द लेडी किलर’ एक थ्रिलर फिल्म हुने बताइएको छ । फिल्मलाई भूषण कुमार र शैलेश आर सिंहले निर्माण गर्दैछन् ।

अभिनेता अर्जुन कपूर हिट फिल्मको खोजीमा रहेका छन् ।  बलिउडमा पछिल्लो समयकी सफल अभिनेत्रीको रुपमा परिचित छिन् भूमि ।

निर्देशक अजय बहलले बलिउडमा ‘सेक्सन ३७५’ र ‘बीए पास’जस्ता फिल्म निर्देशन गरिसकेका छन् । उनले तापसी पन्नुको होम प्रोडक्सन ‘ब्लर’ फिल्मको पनि निर्देशन गरिरहेका छन् ।