म्युजिक भिडियो जोडी अब फिल्ममा देखिने

अभिनेता पल शाहसँग मोडल कविता रायले केही म्युजिक भिडियोमा काम गरी सकेकी छन् । तिमी छौं र म, ओ साजन, ओ साजन २, हेरेर तिमीलाई बोलका गीतका भिडियोमा उनले पलसँग अभिनय गरेकी छन् ।

तर, कविताको म्युजिक भिडियोका सफल मोडलको निरन्तर साथ पाउँदा पनि चर्चा भने खासै छैन । अहिले सम्म उनले आफैंले लगानी गरेका भिडियोमा मात्र काम गरिरहनु परेको छ । उनलाई अन्य निर्माता र ब्यानरले पत्याएका छैनन् ।

अन्य ब्यानरबाट काम नपाए पनि उनलाई पल शाहले भने निरन्तर साथ दिइरहेका छन् । पल र कविताको जोडी अब म्युजिक भिडियोबाट फिल्म यात्राको तयारीमा छन् ।

‘ओ साजन र ओ साजन २’ बजारमा आएपछि पिके फिल्म्सले फिल्म बनाउन लागेका छन् । सोमबार आयोजित ‘ओ साजन २’को पत्रकार सम्मेलनमा ‘ओ साजन’ नाममा फिल्म बन्न लागेको जानकारी गराए । फिल्ममा पल र कविताको जोडी नै देखिने भएको छ ।

यस फिल्मको विषयमा अन्य जानकारी छुट्टै जानकारी दिइने बताइएको छ ।