फिल्म ‘द कश्मीर फाइल्स’ को प्रर्दशन मिति स्थगित

बलिउड अभिनेता अनुपम खेर र मिथुन चक्रवर्तीको फिल्म ‘द कश्मीर फाइल्स’ को प्रर्दशन मिति सारिएको छ ।

यसअघि फिल्मको प्रर्दशन मिति २ जनवरी २०२२ तोकिएको थियो, जसलाई अहिले कोरोना र ओमिक्रोनको बढ्दो केसलाई ध्यानमा राख्दै निर्माताले स्थगित गरेको छ । यसबारे निर्माताहरुले सामाजिक सञ्जालमा एक विज्ञप्ति जारी गरेका छन् ।

जसलाई ट्रेड एनालिस्ट तरण आदर्शले पनि शेयर गरेका हुन् । विवेक रञ्जन अग्निहोत्रीले लेखन तथा निर्देशन गरेको यस ड्रामा फिल्ममा अनुपम–मिथुन बाहेक दर्शन कुमार, पल्लवी जोशी, भाषा सुम्बली र चिन्मय मण्डलेकरको मुख्य भूमिका रहेको छ ।

फिल्मलाई जी स्टुडियोज र तेजनारायण अग्रवाल, अभिषेक अग्रवाल, पल्लवी जोशी र विवेक रञ्जन अग्निहोत्रीले निर्माण गरेका हुन् ।