बल्ल तयारी सकियो फिल्म ‘सत्यम्’को, छिट्टै छायाङ्कनमा निस्कन्छौ

फिल्म ‘सत्यम्’ निर्माण  घोषणा भएको करिब एकवर्ष बढी समय भए पनि अहिलेसम्म पनि छायाँकन सुरु हुन सकेको छैन । तिहारपछि छायांकन सुरु हुने भनेर फिल्म ‘सत्यम्’को वर्कशप पनि चलिरहेको थियो ।

अब भने एक कार्यक्रम गर्दै अर्को साता फिल्मको छायाँकन मिति र टिम सार्वजनिक गर्ने निर्देशक शंकर कार्कीले बताएका छन् ।

निर्देशक कार्कीले भने ‘यस बारेमा हामी फिल्मको छायाङ्कन निर्धारित समयभन्दा धेरै ढिलो आन्तरिक तयारी र विभिन्न कारणले भएका छौ’, ‘बल्ल तयारी सकिएको छ । छिट्टै छायाङ्कनमा निस्कन्छौ उनले बताए ।

रेशम सापकोटा निर्माता रहेको फिल्म ७ करोडको बजेटमा निर्माण गर्न लागिएको हो । राजेश हमाल, उपासनासिंह ठकुरी, अनुपविक्रम शाही, पल शाह मुख्य भूमिका रहने फिल्ममा अभय बराल, मिलन सिजापति, मोक्तर खान, कैलाश रावल, नेरिस्का स्थापित, प्रिन्सप्रसिद्ध सिंह, प्रविन चापागाईं, अन्विशा खड्की लगायतका कलाकारको समेत अभिनय रहनेछ ।