विजयसँग डेट गरिरहेकी छिन् रश्मिका !

तेलुगु र कन्नड फिल्मकी सुपरस्टार रश्मिका मन्डन्ना लामो समयदेखि आफ्नो सह-कलाकार विजय देवरकोंडासँग डेट गरिरहेकी छन् भन्ने चर्चामा छिन् । दुवैले आफ्नो सम्बन्धको पुष्टि भने गरेका छैनन् । रश्मिका र विजयको जोडीलाई सधैं मन पराइन्छ । मिडियामा यी दुईको प्रेमको खबर समेत सार्वजनिक हुन थालेको छ ।

साउथ स्टारहरुको क्रेज अहिले बलिउडमा समेत ह्वात्तै बढेको छ । अभिनेता विजय देवरकोन्डा र अभिनेत्री रश्मीका मन्दाना यही सूचीमा पर्छन् । विशेषगरी यी दुईले एकसाथ नयाँ वर्ष गोवामा मनाएको खबर सार्वजनिक भएसँगै प्रेमको खबरले विशेष स्थान पाएको हो । यी दुईले काम गरेको फिल्म ‘डियर कमरेड’ले युट्युबमा तहल्का मच्चाएपछि दुईको क्रेज ह्वात्तै बढेको हो । यी दुवै कलाकार बलिउड फिल्ममा समेत व्यस्त भइसकेका छन् ।

अहिले केही तस्विरहरूले यो सुपरहिट जोडी गोवामा सँगै छुट्टी मनाउँदै छन् भन्ने पुष्टि गरिरहेका छन्। उनीहरुबीचको सम्बन्धलाई लिएर पटकपटक चर्चा भइसकेको छ तर दुवैले सधैं एकअर्कालाई असल साथी मात्रै भनेका छन् ।

जनवरी १ मा रश्मिका मन्डन्नाले पोखरीको छेउमा आफ्नो तस्बिर साझा गर्दै फ्यानहरूलाई सोशल मिडियामा नयाँ वर्षको शुभकामना दिएकी छन्। त्यसपछि विजय देवरकोंडाका भाइ आनन्द देवरकोंडाले ठ्याक्कै उही पृष्ठभूमि र स्थानबाट तस्बिर सोशल मिडियामा सेयर गरे। यी दुई तस्विर हेरेर फ्यानहरूले अनुमान लगाएका छन् की रश्मिका विजय देवरकोंडा र उनको परिवारसँग छिन्।

वर्कफ्रन्टको कुरा गर्ने हो भने रश्मिका चाँडै हिन्दी फिल्ममा देखिने छिन् । उनी अमिताभ बच्चन र नीना गुप्तासँग ‘गुडबाय’ र सिद्धार्थ मल्होत्रासँग ‘मिशन मजनु’मा देखिनेछिन् । विजय देवरकोंडा पनि आफ्नो आगामी फिल्म ‘लिगर’ को कारण चर्चामा छन् जसमा उनीसँगै अनन्या पाण्डे देखिदैँछिन् ।

Happy 2022 my loves.! ?? pic.twitter.com/oDeajTmYky

— Rashmika Mandanna (@iamRashmika) January 1, 2022

 

Celebrating that response to #ligerfirstglimpse ?? #liger

And Happy New Year you all ❤️ pic.twitter.com/Om71259159

— Anand Deverakonda (@ananddeverkonda) January 1, 2022