फिल्म ‘चपली हाइट ३’को टाइटल गीत सार्वजनिक

फिल्म ‘चपली हाइट ३’को टाइटल गीत सार्वजनिक गरिएको छ ।

क्राइम थ्रिलर जनरामा बनेको फिल्मको आज साझ हाइलाइट नेपालबाट सार्वजनिक भएको छ । फिल्ममा स्वस्तिमा खड्का, आमिर गौतम, सुपुष्पा भट्ट, महेश त्रिपाठी, अर्पण थापा, प्रतीकमान श्रेष्ठ, दीपाश्री निरौला, लक्ष्मी बर्देवा, लोकेन्द्र लेखक, विशाल पहारी, जीवन भट्टराई, सुष्मा निरौला लगायतका कलाकारको अभिनय रहेको छ ।

पुष ३० गतेलाई प्रदर्शन मिति तय गरेको फिल्मलाई अर्जुन कुमारले निर्माण र निकेश खड्काले निर्देशन गरेका हुन् । अर्जुन कुमार फिल्मस्को ब्यानरमा निर्माण भएको फिल्ममा आकाश बरालको पटकथा र संवाद, सुभाष भुषाल र अर्जुन कुमारको संगीत, पुरुषोत्तम प्रधानको छायाँकन र दिर्घ खड्काको सम्पादन रहेको छ ।