‘रेलको बाटो’ नाममा फिल्म बन्ने

चर्चित गीत ‘रेलको बाटो’ नाममा पनि फिल्म बन्ने भएको छ ।

दर्शक–स्रोताले ‘रेलको बाटो’ गीतलाई निक्कै मनपराएएसँगै अब यही नाममा फिल्मर बन्ने भएको हो । गीत मोडल तथा अभिनेता चिरञ्जीवी सापकोटा (जीबी चिरन) ले हामीले ‘रेलको बाटो’ नाममा फिल्म बनाउन लागेको जानकारी दिए ।

यो फिल्म विन्दास प्रोडक्सनको ब्यानरमा निर्माण गर्न लागेको जीबीले बताए, हामी दुई–तीन दिनमै फिल्मको नाम दर्ता गर्ने प्रक्रीयामा जाँदैछौं ।

अहिले फिल्मको स्क्रिप्ट लेखनमा काम गरिरहेका छौं र केही दिनमा चलचित्र विकास बोर्डमा गएर नाम दर्ता गर्ने जानकारी दिए ।

उनले भने, फिल्मको निर्देशक र अन्य कलाकार छनोट हुन बाँकी रहेको हुदाँ । टिमभित्र निर्देशकको बारेमाछलफल भइरहेको छ । केही दिनमा निर्देशक फाइनल गरेर फिल्म दर्ता गर्नेछौं ।

फिल्मको मुख्य भूमिकामा जीबी स्वयंले अभिनय गर्ने बताएका छन् । फिल्ममा अन्य मुख्य कलाकार भने थिएटरबाट धेरै हुने सम्भावना रहेको बताए ।

गत वर्ष सार्वजनिक ‘रेलको बाटो’ बोलको गीतले निक्कै प्रशंसा पाएको थियो । फिल्ममा पनि कर्णालीकै कथा र व्यथा समेटिने जीबी चिरनले जानकारी दिए ।

फिल्मको छायांकन कर्णाली र सुदूरपश्चिमका जिल्लाहरुमा गरिने बताए ।