फिल्म ‘बुलबुल’लाई तीनवटा अवार्ड

फिल्म ‘बुलबुल’ले ३ वटा अवार्ड हात पारेको छ । फिल्मले इन्ड्युस भ्याली इन्टरनेशनल फिल्म फेष्टिभलबाट बेस्ट एक्टर फिमेल, बेस्ट एक्टर मेल र बेष्ट डिरेक्टरतर्फ बुलबुलले अवार्ड हात पारेको हो ।

भर्चुअल माध्यमबाट भएको फेष्टिभलमा बुलबुलले महत्त्वपूर्ण अवार्ड हात पारेको हो । फिल्ममा फिमेलतर्फ मुख्य भूमिकामा स्वस्तिमा खड्का र पुरुषतर्फ मुख्य भूमिकामा मुकुन भुसाल रहेका छन् ।

बिनोद पौडेलले निर्देशन गरेको यो फिल्मले अन्य थुप्रै राष्ट्रिय तथा अन्र्तराष्ट्रिय अवार्ड जितिसकेको छ।

फिल्म ‘बुलबुल’मा अभिनेत्री स्वस्तिमा खड्का र मुकुन भुसालले शीर्ष भूमिकामा रहेर अभिनय गरेका छन्। ट्याम्पु चालक महिलाको कथामा बनेको ‘बुलबुल’नेपाली बक्स अफिसको सफल फिल्म हो।

निर्देशक पौडेल अहिले अमेरिकामा बसेर फिल्म ‘रबरसिटी’ निर्माणको तयारीमा छन् ।