अभिनेत्री नीता ढुंगाना भन्छिन्: मनछुने कथामा अभिनय गर्न गइरहेकी छु

अभिनेत्री नीता ढुंगानाले नयाँ फिल्ममा अभिनय गर्ने भएकी छन् । यो कुराको जानकारी उनी स्वयंमले दिएकी हुन् । रवि अर्यालको निर्देशनमा बन्न लागेको फिल्ममा अभिनय गर्न लागेको जानकारी दिएकी छिन् ।

आफू मनछुने कथामा अभिनय गर्न गइरहेको अभिनेत्री नीताले बताएकी छन् । उनले फेसबुकमार्फत निर्देशक अर्यालसँगको तस्वीर पोष्ट गर्दै लेखेकी छिन् ‘मनछुने कथामा अभिनय गर्न गइरहेकी छु । मन खुसी भएको छ र मलाई विश्वास गरेर जुन चरित्र दिनुभएको छ । यसमा मैले न्याय गर्ने कोशिश गर्नेछु ।’

फिल्मको नामसँगै अन्य कुराहरु भने  उनले खुलाएकी छैनिन् । निर्देशक अर्यालका अनुसार फिल्मको नाम फाइनल भईसकेको छैन् । फिल्मको नाम दर्तासँगै कलाकारहरु तय हुन बाँकी नै रहेको निर्देशक अर्यालले बताए ।

अहिलेसम्म नीतालाई मात्र फाइनल गरेको बताउँदै उनले केही दिनमा पत्रकार सम्मेलन गरेर सम्पूर्ण जानकारी दिईने बताए ।