गायक प्रवेश राईले नयाँवर्षमा ल्याए ‘अनलाइन’

गायक प्रवेश राईले अंग्रेजी नयाँवर्ष २०२२ को अवसर पारेर ‘अनलाइन’ सार्वजनिक भएको छ । अमेरिकामा बस्दै आएका गायक राईको गीतमा उनकै शब्द तथा संगीत छ ।

जीआर उप्रेतीले गीतमा संगीत संयोजन गरेका छन् । गीतमा वर्तमान युवापुस्ताले फेसबुकमार्फत व्यक्त गर्ने प्रेम र भावनालाई समेटिएको छ । अनलाइनमा भएकी प्रेमिकाले म्यासेजमा जवाफ नदिँदाको पीडालाई गीतमा देखाइएको छ ।

भिडियोमा गायक प्रवेश राई, सिर्जना भुजेल र बादल मगरको अभिनय रहेको छ । भीम लामिछानेको छायांकन रहेको भिडियोमा राजेश शाहको सम्पादन, प्रवेश, प्रज्जवल र सागरको परिकल्पना छ । भिडियो ओएसआर डिजिटलको युट्युब च्यानलबाट सार्वजनिक गरिएको हो ।