नायिका परमिताले दिइन् पारिश्रमिक नदिने मेकरको नाम सार्वजनिक गर्ने चेतावनी

नेपाली फिल्म ‘चपली हाइट २’ बाट फिल्म उद्योगमा डेब्यु गरेकी नायिका हुन्–परमिता राज्यलक्ष्मी राणा । नायिका राणाले आफुलाई पारिश्रमिक नदिनेहरुको नाम सार्वजनिक गर्ने चेतावानी दिएकी छिन् ।

‘पारिश्रमिक नपाएर नेपाली फिल्म वा म्युजिक भिडियोमा काम गर्ने कलाकार, प्राविधिकदेखि निर्देशकसम्म हैरान भएका खबर आइरहेका हुन्छन् । कहिलेकाहीं सामाजिक सञ्जाल त कहिले मिडियामा पारिश्रमिक नपाएर हैरान भएपछि उनीहरु दुःखेसो त पोख्ने गर्छन् । तर, रोकिएको छैन यो क्रम।

पारिश्रमिककै विवाद कहिलेकाहीं मिडियामा छताछुल्ल हुने गरेको छ । मोडल तथा अभिनेत्री  पारमिता आरएल राणाले पनि आफूले पारिश्रमिक नपाएको गुनासो सामाजिक सञ्जाल मार्फत व्यक्त गरेकी छन् ।

राणाले सामाजिक सञ्जाल इन्स्टाग्राम अकाउन्टको स्टोरीमा मोडलिङ र अभिनय गरेबापतको पारिश्रमिक नपाएको भन्दै नाम नै सार्वजनिक गर्ने चेतावनी दिएकी हुन् ।

समयमा नै पारिश्रमिक नपाउँदा आफु दिक्क भएको समेत उनले गुनासो पोखेकी छिन् । आफुले दुःख गरेर कमाएको पैसा पनि भिक मागेजस्तै मागिररहनु परेको उनको भनाई छ ।

राणाले रोज, चङ्गाचेट, द म्यान फ्रम काठमाडौं जस्ता फिल्ममा उनले अभिनय गरेकी छिन् ।