फिल्म ‘कठपुतली’ को दोस्रो ट्रेलर सार्वजनिक

नेपाली फिल्म ‘कठपुतली’ को दोस्रो ट्रेलर सार्वजनिक भएको छ ।

हरर् विधामा निर्माण भएको यो फिल्म आगामी पुष १६ गतेबाट प्रदर्शनमा आउन लागेको हो । यस फिल्मलाई भिमसेन लामाले निर्देशन गरेका हुन् भने पृथ्वी राना मगर निर्माता हुन् । लेखन सम्पदा मल्ल रहेको छ । फिल्मको सह–निर्मातामा विशाल गुरुङ, धर्म श्रेष्ठ र हेम थापा हुन् । यो फिल्मलाई अष्ट्रेलियाका सिनेमाटोग्राफर जोएल फ्रूमले छायांकन गरेका छन् ।

दुई मिनेट ९ सेकेण्डको ट्रेलरमा कर्माको अभिनयले दर्शकको ध्यान तानेको छ । भीमसेन लामा निर्देशित फिल्ममा गौरी मल्ल, मिथिला शर्मा, कर्मा, शिल्पा माष्के, उषा रजक, सुवर्ण थापा, ध्रुव कोइराला लगायतका कलाकारहरूको अभिनय रहेको छ ।