‘पोर्न हेरेपछि रातमा दुःस्वप्न देखिन्थो !

चर्चित अमेरिकी गायिका तथा गीतकार बिली इलिश आफ्ना गीतका कारण सधैं चर्चामा रहन्छिन् । अहिले बिलीले आफ्नो हालैको एक अन्तर्वार्ताका कारण चर्चामा छिन् । उक्त अन्तर्वार्तामा बिलीले बाल्यकालमा पोर्न फिल्म हेर्ने लत लागेको कारण उनको दिमागमा धेरै असर परेको खुलाएकी छिन् । बिली भन्छिन्, ‘पोर्न हेरेपछि रातमा दुःस्वप्न देखिन्थो।’

२० वर्षीया बिली इलिशले अन्तर्वार्तामा आफू ११ वर्षको उमेरदेखि पोर्न फिल्म हेर्न थालेको बताएकी थिइन् । बिलीले भनिन्, ‘मलाई पोर्न फिल्महरू लाजमर्दो लाग्छ। इमानदार हुन्, मैले धेरै पोर्न हेरेको छु। मैले ११ वर्षको उमेरमा पोर्न फिल्म हेर्न थालें। मलाई लाग्छ कि यसले मलाई साँच्चै गडबड गर्यो। मैले धेरै पोर्न हेरेको हुनाले म पूर्ण रूपमा बर्बाद भएको महसुस गरें।’

बिलीले उक्त अन्तर्वार्तामा आफू निकै हिंसात्मक पोर्न फिल्म हेर्ने गरेको बताइन्। जसका कारण उनलाई राती पनि दुःस्वप्न आउन थाल्यो । बिलीले भनिन्, ‘पोर्नको कारणले तपाइँको यौन सम्बन्धमा सामान्य धारणा परिवर्तन हुन्छ। जब मैले सुरुमा सेक्स गरें, मैले नराम्रो कुराहरूलाई अस्वीकार गर्न सकिन किनभने मैले सोचेँ कि त्यो सही कुरा हो।’ बिलीले यो कुरा आफ्नी आमालाई पनि बताएकी थिइन् ।

बिली इलिशले सानै उमेरमा धेरै ख्याति कमाएकी छिन् । लस एन्जलसमा जन्मिएकी बिली इलिशको सन् २०१६ मा रिलिज भएको ओशन आइज गीत निकै चर्चित भएको थियो । बिली इलिशले ७ पटक प्रसिद्ध ग्रामी अवार्ड जितेका छन् ।