‘केजीएफ २’ भर्सेस ‘लाल सिंह चड्डा’, भिड्ने, ‘ए मेरो हजुर ४’ कहिले ?

 

काठमाडौं- आमिर खान र करिना कपूर स्टारर फिल्म लाल सिंह चड्ढाको रिलिज डेट सार्वजनिक भएको छ । आमिर खान प्रोडक्सनले नयाँ पोस्टर सार्वजनिक गर्दै फिल्मको रिलिज डेट घोषणा गरेको हो । लाल सिंह चड्ढा अब १४ अप्रिल २०२२ को रिलिज हुने भएको छ । पहिले यो फिल्म ११ फेब्रुअरीमा रिलिज हुने बताइएको थियो । अब यो फिल्म बक्स अफिसमा केजिएफ २ सँग भिड्ने भएको छ । १४ अप्रिलका दिन दुवै ठूला बजेटका फिल्म आपसमा भिड्ने भएका हुन् ।

एकातर्फ लाल सिंह चड्ढामा बलिउडका सुपरस्टार एक्टर आमिर खान र करिना कपूर देखिँदै छन् भने केजिएफमा यस देखिँदै छन् । यसको अघिल्लो भागले बक्स अफिसमा धूम मचाएको थियो । यस्तोमा केजिएफ २ लाई पनि दर्शकहरू निकै प्रतीक्षा गरिरहेका छन् । लाल सिंह चड्ढा  र केजिएफ २ बक्स अफिसमा एक साथ आउँदा चैत्र २५ गतेबाट रिलिज हुन लागेको चलचित्र ‘ए मेरो हजुर ४’ले लामो समयसम्म हल नपाउने निश्चित छ ।

यदि ‘केजीएफ २’ अप्रिल १४ बाट पर हटेन भने ‘ए मेरो हजुर ४’को निर्माणपक्षले एक साता फिल्म प्रिपोन्ड गर्ने सोच बनाएको छ । दुई ठूला चलचित्र वैशाख १ गते रिलिज भए ‘ए मेरो हजुर ४’ चैत १८ गतेबाट रिलिज हुने सम्भावना छ ।यदि ‘केजीएफ २’ पछि हट्यो भने ‘ए मेरो हजुर ४’ निर्धारित मितिमा रिलिज हुनेछ । अनमोल केसी, सुहाना थापा, सलोन बस्नेत अभिनित यो फिल्मलाई झरना थापाले निर्देशन गरेकी हुन् । सुनिलकुमार थापाले निर्माण गरेको यो फिल्मको टिजर एक सातापछि सार्वजनिक हुनेछ । विदेशी फिल्मले धानेको नेपाली फिल्मको क्षेत्र भन्दा फरक नपर्ला नेपाली फिल्महल नेपाली फिल्मले दर्शक फर्काउला कि नफर्काउला यो चाहिँ हेर्न बाकीँ नै छ ।