करण जोहरको फिल्म ‘योधा’को फर्स्ट लुक सार्वजनिक

Mero Film

मंसिर २, २०७८ बिहिबार ०३:५४

एजेन्सी- करण जोहरले आफ्नो धर्मा प्रोडक्सनको पहिलो एक्सन फ्रेन्चाइज फिल्म ‘योधा’ घोषणा गरेका छन् । फिल्ममा सिद्धार्थ मल्होत्रा मुख्य भूमिकामा हुनेछन् । सिद्धार्थको लुक सबैमा चर्चाको विषय बनेको छ । फिल्म ‘शेरशाह’को अभूतपूर्व सफलतापछि सिद्धार्थ मल्होत्राको खुट्टा जमिनमा छैन । उनीसँग फिल्मको अफर छ । निर्माता–निर्देशक उनीसँग काम गर्न आतुर छन् ।

यसैबीच फिल्म निर्माता करण जोहरले सिद्धार्थ मल्होत्रासँगको अर्को फिल्मको घोषणा गरेका छन् । योसँगै उनले फिल्मको मोसन पोस्टर पनि सार्वजनिक गरेका छन् । करण जोहरको यो फिल्मको नाम ‘योधा’ हो र यसमा सिद्धार्थ मुख्य भूमिकामा देखिनेछन् । करण जोहरले धर्मा प्रोडक्सनको पहिलो एक्शन फ्रेन्चाइज ‘योधा’ मार्फत लन्च गर्दैछन् ।

सागर अम्ब्रे र पुष्कर ओझाले पहिलो फिल्म ‘योधा’ निर्देशन गर्नेछन् ‘योधा’ नोभेम्बर ११, २०२२ मा सिनेमाघरमा रिलिज हुँदैछ। फिल्मको पोस्टरमा सिद्धार्थ मल्होत्रा फियर्स लुकमा देखिएका छन् । उनको लुक र स्टाइललाई फ्यानहरुले निकै रुचाएका छन् । करण जोहरको फिल्मको घोषणा भएपछि सेलिब्रेटीहरुले उनलाई सामाजिक सञ्जालमा हार्दिक बधाई दिइरहेका छन् ।