‘स्क्विड गेम’को दोस्रो संस्करणको तयारी

साेल(एबीपी लाइभ)- नेटफ्लिक्समा रिलिज ‘स्क्विड गेम’का निर्माता, लेखक तथा निर्देशक ह्वांग–डोङ–ह्युकले सिरिजको दोस्रो संस्करण आउने तयारीमा रहेको बताएका छन् । उनले सिरिजको प्रमुख पात्र गी–हून नै रहे पनि कथा भने फरक रहने खुलाएका छन् ।

हालै एक अन्तरवार्तामा ह्वांगले दोस्रो संस्करणका बारेमा दिमागमा योजना बनिरहेको खुलाएका थिए । ‘यो अहिले प्रक्रियामा छ । दोस्रो संस्करणमा के हुन्छ भन्ने कुरा अहिल्यै भन्न सकिन्नँ । तर म वचनबद्ध छु कि गी–हुन फर्किनेछन् र विश्वका लागि केही नयाँ काम गर्नेछन्’, उनले भनेका छन् ।

कोरियाली थ्रिलर सिरिज ‘स्क्विड गेम’ ले ऋणमा परेका व्यक्तिका सन्तानलाई एक खेलमा खतरनाक किसिमले खेलेर पैसा जित्ने कथा देखाउछ । गत सेप्टेम्बरमा ओटीटी प्लेटफर्म नेटफ्लिक्समा रिलिज भएपछि यसले विश्वको ट्रेण्ड नै परिवर्तन गरिदियो ।