बलिउड फिल्म ‘सूर्यवंशी’ एक सय करोड क्लबमा प्रवेश

बलिउड फिल्म ‘सूर्यवंशी’एक सय करोड क्लबमा प्रवेश गरेको छ । मंगलबार यो चलचित्रले बक्स अफिसमा ११.२२ सय करोड भारुको व्यापार गरेसँगै यो चलचित्र भारतीय बक्स अफिसमा एक सय करोड क्लबमा प्रवेश गरेको हो ।कोरोनापछि सय करोड क्लबमा प्रवेश गर्ने यो पहिलो चलचित्र बनेको छ । यो चलचित्रले शुक्रबार २६.२९ करोडको व्यापार गरेको थियो । यस्तै, शनिबार २३.८५ करोडको कमाइ गरेको चलचित्रले आइतबार २६.९४ करोड, सोमबार १४.५१ करोड कमाइ गरेको थियो । चलचित्रले भारतीय बक्स अफिसमा १०२.८१ करोडको कमाइ गरेको छ ।

चलचित्रले एक सातामा १२० करोडको कमाइ गर्ने विश्लेषण गरिएको छ । रोहित सेठ्ठीको निर्देशनमा तयारमा भएको फिल्ममा अक्षय कुमार रर कट्रिना कैफ मुख्य भूमिकामा रहेका छन् । फिल्ममा अजय देवगन र रनवीर सिंहको अतिथि भूमिका रहेको छ ।  फिल्मले मास इन्टरटेनरको रुपमा समीक्षकबाट तारिफ पाएको थियो । त्योभन्दा बढी फिल्मले दर्शक हलमा बोलाएको भन्दै फिल्मकर्मी र फिल्म पत्रकारले यसको तारिफ गरेका छन् ।  गोलमाल शृंखलादेखि सिंघमसम्मका सबै फिल्मले सय करोड माथिको व्यापार गर्दै आएका छन् ।