बलिउड फिल्म ‘सूर्यवंशी’ले हलमा फर्कायो दर्शक

 

कोरोना महामारीका कारण विगत लामो समयदेखी बन्द रहेको सिनेमा हल अहिले सुचारुमा आएको छ दुई वर्षपछि खुलेका हलमा दर्शक फर्काउने भने बलिउड फिल्मको सहारा लिनुपरेको छ।असोज २१ देखि खुलेका हलमा लागेको नेपाली चलचित्र ‘डाँडाको बरपिपल’ले पानी समेत पिउन नसकेपछि अन्य निर्माता निर्माता–निर्देशकहरु पनि चलचित्र रिलिज गर्न डराइरहेका थिए ।

कोरोनाले थलिएको नेपाली चलचित्रलाई बलिउड चलचित्र ‘सूर्यवंशी’ले चलायमान बनाउने विश्वासमा चलचित्रकर्मीहरु थिए । शुक्रबारबाट चलचित्र ‘सूर्यवंशी’ प्रदर्शनमा आएको छ । र, चलचित्रकर्मीको अपेक्षाअनुरुप हलमा चलचित्र हेर्ने दर्शकको उपस्थिति बाक्लो देखिएको छ । शुक्रबार प्रदर्शनमा आएको रोहित सेट्टी निर्देशित ‘सूर्यवंशी’ ले दर्शकलाई हल सम्म लैजान सफल भएको छ । कोरोना महामारीका कारण दोस्रो पटक पाँच महिना बन्द भएका सिनेमा हल असोजमा खुले पनि नेपाली चलचित्र लाग्न सकेका थिएनन्। नयाँबानेश्वरको आईप्लेक्स मलको वान सिनेमाज, कमलपोखरीस्थित विग मुभिज, क्यूएफएक्स चेनका विभिन्न हल, चावहिलस्थित एफक्युब सिनेमा लगायतका हलमा बिहानैदेखि दर्शकको चाप देखिएको छ । रोहित सेट्टीको निर्देशनमा बनेको ‘सूर्यवंशी’मा अक्षय कुमार र कट्रिना कैफको मुख्य भूमिका छ ।