यस्तो भयो कलाकारहरुको लक्ष्मीपूजा

हामी नेपालीहरूको दसैँपछिको ठुलो चाड हो तिहार ।तिहार सबैलाई मनपर्ने चाड हो । फूलैफूलको चाड तिहार सुरु भइसकेको छ । गाउँघर देखी सहर बजारसम्म पनि झिलिमिली हुने भएकाले यो पर्व सबैलाई मन पर्ने गर्दछ ।  धनन्यायकी देवी लक्ष्मीको घर–घरमा पूजा गरी दीपावली गरिएको छ । घरका विभिन्न स्थानमा सरसफाइ गर्दै आज लक्ष्मीपूजा गरिएको छ । कलाकारहरुले पनि आज लक्ष्मीपूजा गरेका छन् । लक्ष्मीपूजा गर्दै गर्दा कलाकारहरु निक्कै खुशी देखिएका थिए । दिदी भाइ तथा दाजु बहिनीको प्रेमको पर्वका रूपमा चिनिने तिहार ५ दिनको भए पनि विशेष गरेर तीन दिन लक्ष्मीपूजा, गोवर्द्धन पूजाका साथै भाइटिकामा दिदीबहिनीसँग टीका, आशीर्वाद तथा शुभकामना लिने गरिन्छ ।

तिहार दाजुभाइ र दिदीबहिनी बिचको प्रेमको पर्व पनि हो । यो पर्वमा घर झिलिमिली बत्ती र धेरै थरीका फूलले सिँगार्ने गरिन्छ । सहर बजार पनि बत्ती, फूल, मिठाई र मसलाको परिकारले सिँगारिएका देख्न सकिन्छ । अभिनेत्री करिश्मा मानन्धर, रेखा थापा, श्वेता खड्का, केकी अधिकारी, अदिती बुढाथोकी, वर्षा सिवाकोटीदेखि मोडल उषा उप्रेती, आश्मा विश्वकर्मा लगायतले पनि हर्षोउल्लासका साथ लक्ष्मीपूजा गरेका छन् ।

यस्तै, पूर्व मिस नेपाल अश्मी श्रेष्ठले पनि लक्ष्मीपूजा गरेको तस्वीर सामाजिक सञ्जालमा पोष्ट गरेकी छिन् । यी बाहेक नेपाली चलचित्रका कलाकार, म्यूजिक भिडियोका मोडलदेखि गायक–गायिकाहरुले पनि धुमधामसँग लक्ष्मीपूजा गरेका छन् ।