‘पिरतीको खुल्ला आकाशमा’ उत्कृष्ट टिकटक बनाउनेलाई नगद १० हजार पुरस्कार

गायिका निशा कँडेलको सुमधुर स्वरमा सजिएको पिरतीको खुल्ला आकाशमा बोलको म्युजिक भिडियो डिजिटल बजारमा सार्वजनिक भएको छ। अस्ट्रेलियामा रहेर उत्कृष्ट संगीत सिर्जनामा सक्रिय टिका दहालले संगीतवद्द गरेको यस गीतलाई दर्जनौ चर्चित गीतहरु लेखेका गीतकार रमेश दहालले लेखेका हुन्। मेलोडियस भर्सनको गीतमा राहुल प्रधानको संगीत संयोजन रहेको छ। अभि लामाले कोरियोग्राफी गरेको भिडियोमा स्वयम् गायिका निशा कँडेल फिचर्ड छिन्। फराज अर्पणको छायांकन, सम्पादन र निर्देशनमा भिडियो तयार पारिएको हो।