कात्तिक २५ गते बाट ‘डान्स रियालिटी सो’

पछिल्ला केही वर्ष यता नेपालमा ‘रियालिटी सो’ को बाढी नै आएको छ । आयोजकहरू नयाँ सिजनको तयारी लागेका छन् । ‘नेपाल लोकदोहोरी च्याम्पियन’ अन्तिम चरणमा छ । ‘सारेगमप लिटिल च्याम्प नेपाल’ प्रसारण भइरहेको छ ।

यहि भिडमा अर्को ‘रियालिटी सो’ थपिने भएको छ । अब डान्स रियालिटी सो ‘डान्स च्याम्पियन’ हुने भएको छ । कान्तिपुर टेलिभिजनबाट प्रसारण हुने यो सोलाई आयोजकले नेपालको सबैभन्दा ठूलो डान्स रियालिटी सो भनेर दाबी गरेका छन् । ‘डान्स च्याम्पियन’ ३४ भाग प्रसारण हुने छन् । डान्स च्याम्पियनका विजेताले २५ लाख रुपैयाँ पुरस्कार प्राप्त गर्ने आयोजकले जनाएको छ ।