म महँगो कलाकार होइन : आर्यन सिग्देल

काठमाडौं- केही समय पछाडि फर्केर हेर्ने हो भने कोरोना भाइरसको कारण  फिल्म क्षेत्र ठप्प नै भयो । फिल्म क्षेत्रको काम बन्द नै भएपछि केही अभिनेता अभिनेत्रीहरू म्युजिक भिडियोमा देखिन थाले । पछिल्लो केही समय देखी भने फिल्म क्षेत्रको चहलपहल सुरु भएको छ । कतिपय कलाकारहरू फिल्मको छायाकारमा व्यस्त छन् भने केही भने अझै पनि म्युजिक भिडियोमा नै व्यस्त छन् । युट्युबमा केही  म्युजिक भिडियोमा भने निकै उत्कृष्ट भ्युज देखिन्छ भने कुनैमा भने लगानी उठाउन नै नसक्ने ।   आफूले कुनै पनि काममा गर्दा सबै कामको सम्मान गर्ने र पूजा गर्ने नायक आर्यन सिग्देल बताउँछन् ।

आर्यन सिग्देल महँगो कलाकार  हो ? भन्ने प्रश्नमा उनी भन्छन्- म महँगो कलाकार होइन म आफूलाई सुहाउने पारिश्रमिक लिन्छु । कुनै पनि प्रोजेक्टमा काम  गर्दा त्योबाट कति नाफा निस्कन्छ त्यही अनुसारको  डिमाण्ड  गर्ने हो । काम गरेपछि नाफा चाहिँ निस्केन भने निर्मातालाई मात्र दबाब दिएर हुँदैन ।’ अहिलेको यो परिस्थिति भनेको कस्तो छ सबैलाई थाहा छ यो समयमा रन गर्नु नै ठुलो कुरा हो । अर्को सन्दर्भमा उनले भने म सानो पर्दाबाट ठुलो पर्दामा आएको मान्छे हो मलाई कुनै पनि काम ठुलो सानो लाग्दैन ।