पल–समिक्षाको सम्बन्ध : के सबै समाचारहरु भ्रामक हुन् ?

काठमाडौं- नायक पल शाह र गायिका समीक्षा अधिकारी केही समययता चर्चामा छन् । कलाकारहरुको प्रेम सम्बन्ध बारे चर्चा परिचर्चा हुनु सामान्य कुरा हो । पलले बजारमा चलेका हल्लाहरु सबै गलत भएको र समिक्षा आफ्नो फ्यान भएको जवाफ दिदै आएका छन् । । समिक्षाले पनि पल शाह जस्तो स्टार कलाकारसँग काम गर्न पाउनु आफ्नो लागि अवसर भएको बताउँदै आएकी छिन् । तर, पल र समिक्षाले भने जस्तै हो त उनीहरुको सम्बन्ध ? केही महिनादेखि चलचित्र बजारमा समिक्षा र पलविच विभिन्न घटनाहरु घटेको र उनीहरुले बिहे नै गर्ने गरि संझौता गरेको हल्ला नचलेको होइन । यो चर्चाको बिषयमा पल र समिक्षा पनि जानकार छन् ।

पल र समीक्षा प्रेम चर्चा

म्युजिक भिडियो छायांकनकै क्रममा पल र समीक्षा नजिकिएका हुन् । समीक्षाको गायन रहेको गीतको भिडियोमा समीक्षासँगै पल मोडल थिए । यही सहकार्यले यी दुईको सामीप्यता बढेर प्रेममा परिणत भएको हल्ला छ । समीक्षाले त्यसलाई प्रेम कै रूपमा बुझे पनि पलले हल्काफुल्का रूपमा हेर्न थालेपछि यी दुईको चर्चा फिल्मनगरीमा चुलिएको हो । पलको सम्बन्ध अन्य फिमेल मोडलसँग प्रगाढ हुँदै गइरहेको र आफूसँग टाढिएको महसुस गरेपछि समीक्षाले आफूसँग रहेका डिजिटल प्रमाणहरू (फोटोरभिडियो)हरूसहित पुलिस केस गर्ने तयारी थालेपछि यो प्रेमु को चर्चा फिल्मनगरीमा बढ्न थालेको हो । समीक्षा नाबालिग भएकाले उमेर पुगेपछि पलले विवाह गर्ने सहमति गरेको चर्चा बढ्दो छ । पलले आर्थिक प्रलोभनसमेत दिएको बताइन्छ । यद्दपी समीक्षा र उनका परिवारहरूले विवाह गर्नु पर्ने अडान राखेपछि उमेर पुगेपछि विवाह गर्ने सम्झौता भएको बताइन्छ ।  यो सम्बन्ध विवाह गर्ने हदसम्म पुगेको तर समीक्षा नाबालिग भएका कारण रोकिएकोसम्मका समाचार आएका छन् । पल र समीक्षाको सम्बन्धदेखि बिहेका सम्झौतासम्मका चर्चाहरुले सञ्चारमाध्यम भरिन थालेका छन् । यसले, पल र समीक्षाका फ्यानहरुलाई अचम्ममा त पारेको छ ।सामाजिक संजालमा आएका सबै समाचार झुट हुन भने स्पष्टिकरण दिन यति ढिला किन ?

पल शाहको नाम यसअघि आँचल शर्मा र गरिमा शर्मासँग जोडिने गरेको थियो । पल शाहले भने अहिलेसम्म यो विषयमा स्पष्ट जवाफ दिएका छैनन् । पल केही समयदेखि मिडियासँग भाग्दै आएका छन् । पल–समिक्षाको सम्बन्धबारे पछिल्लो समय धेरै मिडिया र युटुयब च्यानलहरुमा समाचार सम्प्रेण भइरहेको छ । पल र समिक्षा भने केही समयदेखी मिडियाबाट तर्किएका पनि थिए अहिले भने हावा नचली पात हल्लिएको हो रु भन्ने प्रश्न पनि तेस्रिरहेका छन् । पल र समिक्षाले अपवाद समाचारहरु सम्प्रेण भएको जबताएका छन् । उनीहरुले आफुहरु बिचको सम्बन्ध अनैतिक नभएको जानकारी गराएका छन् ।

गायिका समीक्षा अधिकारीले पल शाहसँग गलत सम्बन्ध नरहेको स्पष्टिकरण दिएसँगै पल शाहले पनि फेसबुक स्ट्याटस लेख्दै समीक्षासँगको सम्बन्धलाई लिएर लेखिएका समाचार झुटा भएको बताएका छन् । उनले काम गर्ने क्रममा सबै सहकर्मीसँग धेरथोर नजिक हुने र समीक्षासँग पनि त्यति नै मात्र नजिक रहेको बताएका छन् । उनले विनाआधार गसिप बनाएर समाचार नलेख्न पनि पत्रकारलाई आग्रह गरेका छन् । पल शाह र समीक्षा अधिकारीबीच अन्तंरंग सम्बन्ध रहेको आसयका समाचार आउन थालेपछि पल र समीक्षा पालैपालो प्रतिकारमा उत्रिएका हुन् । केही समययता फिल्म तथा संगीत उद्योगमा म्युजिक भिडियो मोडल पल शाह र गायिका समीक्षा अधिकारीबीच अन्तरंग सम्बन्ध रहेको चर्चा थियो । यही चर्चालाई केही टेलिभिजन कार्यक्रम र अनलाइनले समाचार बनाएपछि समीक्षा स्पष्टिकरणका लागि अगाडि आएकी हुन् ।

समीक्षाले आइतबार मात्र पलसँग कुनै अनैतिक सम्बन्ध नरहेको भन्दै विनाप्रमाण समाचार नलेख्न आग्रह गरेकी थिइन् । पल शाहले पनि आइतबार साँझ नै सोही आसयको स्ट्याटस लेख्दै व्यक्तिगत र चरित्र हत्या हुने गरी समाचार नलेख्न आग्रह गरेका छन् । समीक्षा र पलको ‘प्रेम प्रकरण’ बारे चियोचर्चो सुरू भए पनि यो चियागफमै सीमित थियो । यसबारे पूर्ण जानकार कोही थिएनन्। तर यकिनका साथ भन्ने पनि कोही थिएनन् । यो विषयमा बोल्न उनीहरू तर्किए पनि अन्ततः बोलेका छन् । एक सातायता चर्चामा रहेका यी दुईको सम्बन्धको विषयमा गसिप र समाचार आउन थालेपछि समीक्षा र पलले सामाजिक सञ्जालमार्फत आफ्नो सम्बन्धलाई प्रस्ट्याएका छन् ।

पलले सामाजिक सञ्जालमार्फत आफुलाई हुँदै नभएको र नगरिएको आरोप लगाइएको बताएका छन् । काम गर्ने क्रममा व्यक्ति वा समूहसँग नजिक भइन्छ र सांगीतिक सहकार्य समीक्षासँग भएको होु पल लेख्छन् ,पछिल्लो केही दिनयता आएका खबरले मेरो शुभचिन्तकसँगै परिवारलाई समेत दुस्खी बनाएको छ । समीक्षासँग रहेको मित्रतालाई अन्य नाम नदिन आग्रह गर्दै उनले चरित्र हत्या हुने गरी समाचार नबनाइदिन आग्रह गरेका छन् ।

यस्तो छ पल शाहद्वारा सार्वजनिक गरिएको भनाइ

देश विदेशमा रहनुभएका सम्पूर्ण मेरा दर्शक स्रोताज्यूहरूमा हार्दिक सम्मान अनि धेरै माया। विगत केही दिनदेखि मेरो र गायिका समीक्षा अधिकारीको विषयमा आइरहेका समाचारबाट मलगायत मेरो परिवार अनि मलाई माया गर्नुहुने सिंगो दर्शकदीर्घ नै दुःखी बनेको महसुस हामीले गरेका छौ । जुनसुकै क्षेत्रमा काम गर्दा पनि केही व्यक्ति समूह कहीँ न कहीँ कुनै न कुनै प्रकारले नजिक हुने गर्छ, यो हामी सबैलाई थाहा भएकै कुरा हो। मेरो पेसा र विधाका कारण म धेरै मान्छेहरूसँग सहकार्य गर्नुपर्ने हुन्छ र मसँग जोडिनुहुने मेरा अग्रज, अनुज र सहकर्मीहरूमाझ मैले सदैव आफूलाई सहज र सहयोगी तवरले प्रस्तुत गरिरहेको हुन्छु। अरु कलाकारहरूसँग जस्तै र अरुले जस्तै सांगीतिक सहकार्य गायिका समीक्षा अधिकारीसँग पनि भएको कुरा यहाँहरूलाई विदितै छ। हुँदै नभएका, गर्दै नगरिएका, बिनाआधारका कुराहरूलाई गसिप बनाएर एउटा कालाकार र उसको व्यक्त्तिगत जीवनमाथि आँच आउने किसिमले लेखिएका झुटा समाचारहरूले मलाई अत्यन्तै दुःखी बनाएको छ। यसरी कसैको व्यक्त्तिगत प्रतिष्ठा र चरित्र हत्या हुने गरी बदनाम गर्ने गरी समाचार नबनाइदिनुहुन सम्पूर्ण मिडियाकर्मीज्यूहरूलाई हार्दिक अनुरोध गर्दछु। मैले सधैं दर्शक स्रोता मेरो घर अनि मिडियालाई आफ्नो परिवार मानेको छु र सदैव मानिरहने छु। यही घर परिवारको माया, आशीर्वाद र शुभेच्छाको कारणले गर्दा नै म यहाँसम्म आइपुगेको छु। मैले जानेर नजानेर कसैको चित्त दुखाएको छु भने म यसै पोस्टमार्फत हार्दिक माफी माग्दछु। गायिका समीक्षा अधिकारी र मेरो बीचमा भएको मित्रता र सहकार्यलाई अन्य अन्य तथानम शीर्षक दिएर सिंगो पत्रकारितालाई पनि बदनाम गर्ने र हाम्रो चरित्रहत्या हुने कार्य नगरिदिनुहोला ।

यस्तै समीक्षाले पनि सामाजिक सञ्जालमार्फत नै आफ्नो भनाइ सार्वजनिक गरेकी छिन् । उनले पलसँग जोडिएर आएको समाचारहरू कपोकल्पित रहेको उल्लेख गरेकी छिन् । पलजीसँगको सम्बन्धलाई तोडमोड गरेर आएको समाचारले मेरो चरित्रहत्या भएको छु उनी लेख्छिन्, एउटै नगरीमा रहेकाले उहाँले मलाई अभिभावकको हिसाबले माया गर्नु हुन्छ र दर्शकको माया पाएसम्म हाम्रो सहकार्य रहिरहने छ ।

यस्तो छ समीक्षाद्वारा सार्वजनिक गरिएको भनाइ

मलाई समीक्षा अधिकारी बनाउनु हुने मेरा सम्पूर्ण दर्शक स्रोताज्यूहरुमा हार्दिक नमन गर्दछु। पछिल्लो समय मेरो बारेमा नायक पल शाहज्यूसँग जोडेर हुँदै नभएको कपोलकल्पित समाचारहरू आएका छन्, यसप्रति मेरो गम्भीर ध्यानाकर्षण भएको छ। समाचारमा मेरो र पलजीको सम्बन्धलाई तोडमोड गरेर तुच्छ प्रकारका कुराहरू मेडियामा आएका छन्, जसले मेरो चरित्रहत्या भएको छ। यसका साथसाथै पलजीको क्यारिअरमाथि आँच आउने किसिमले सस्तो प्रचार बाजी गरिराको छन्। यसो नगर्नु हुन अनुरोध गर्दछु। बिनास्रोत अफवाहमा लेखिएका यी समाचारले हामीलाई सामाजिक र चारित्रिक रूपमा निकै नै असर पुर्याएको छ, यस कुराप्रति म र मेरो परिवार खेद प्रकट गर्दछौ । एउटै इन्डस्ट्रिजमा भएको हिसाबले पलजीले मलाई अभिभावकको हिसाबले माया गर्नुहुन्छ । मेरो कला र क्षमतालाई माया संरक्षण गर्नुहुन्छ म उहाको सदैव फ्यान पनि हुँ। र, हजुरहरूको माया रहेसम्म सधैं राम्रो काम गरिरहने छौ। राष्ट्रको चौथो अंग मानिएको पत्रकारिताका अग्रज र दिग्गज अभिभावकहरूले पनि यसरी मानहानि र चरित्रहत्या हुने किसिमले लेखिएका समाचारले निकै दुःखी छु। मैले यो अपेक्षा गरेको थिएन ।
म जे छु जहाँ छु, यो सब मेरा भगवानरूपी दर्शक स्रोताको देन हो र हजुरहरूलाई कुनै पनि कुराले निराश गर्न सक्दिनँ र गर्ने छैन। मेरो बारेमा मिडियामा आएका झुटा समाचारहरूप्रति घोर निन्दा गर्दछु र हजुरहरू यसको पछाडि नलाग्नुहुन हार्दिक अनुरोध गर्दछु। अन्त्यमा सम्पूर्ण पत्रकारज्यूहरूलाई पनि हार्दिक निवेदन गर्न चाहन्छु, कसैको व्यक्त्तिगत जीवनमा आँच आउने मानहानि तथा चरित्रहीन हुने किसिमको समाचार नबनाउनु होला।

केही समययता पल र समीक्षाको प्रेमको चर्चा फिल्मनगरीमा छ । पछिल्लो समय पलको म्युजिक भिडियोमा व्यस्तता अत्यधिक छ । तर, यो चर्चा चलेयता उनले इभेन्टमा सहभागिता जनाउन छाडेका छन् । उनलाई भिडियोमा अभिनय गराएका एक निर्देशकले पलले इभेन्टमा आफू नआउने बताउने गरेको खुलाए । पलजी भिडियो सार्वजनिक कार्यक्रममा भने नआउने भन्नु हुन्छु उनले भने । यी दुईको बीचमा सहकार्यबाहेक अन्य केही नरहेको अवस्थामा मिडियासँग साक्षात्कार गर्न डराइरहेका छन् ? त्यो त यिनैले जानून् ।