सैफ र रानीको ‘बन्टी और बब्ली २’काे ट्रेलर सार्वजनिक

एजेन्सी- बलिउड चलचित्र ‘बन्टी और बब्ली २’ को ट्रेलर सार्वजनिक भएको छ । चलचित्रमा सक्कली र नक्कली बन्टी र बब्लीको कथा रहेको अनुमान ट्रेलर हेरेर गर्न सकिन्छ । लामो समयपछि रानी मुखर्जी यस चलचित्रमार्फत ठूलो पर्दामा देखिन लागेकी हुन् ।

वरुण भी शर्माको लेखन तथा निर्देशन रहेको चलचित्र नोभेम्बर १९बाट प्रदर्शनमा आउने छ । चलचित्रमा रानी सँगै सैफ अलि खान, सिद्धार्थ चतुर्वेदी, शर्वरी, पङ्कज त्रिपाठी लगायतको अभिनय छ । यसराज फिल्म्सको ब्यानरमा बनेको चलचित्रका निर्माता आदित्य चोपडा हुन् ।