शिव अवतारमा प्रस्तुत हुँदै अक्षय

बलिउड अभिनेता अक्षय कुमार शिव अवतारमा प्रस्तुत हुने भएका छन् । केही समयअघि मात्रै छायांकनमा गएको चलचित्र ‘ओ माई गड-२’मा उनी शिवको अवतारमा देखिने भएका हुन् । चलचित्रको फर्स्ट लुक्स सार्वजनिक भएको छ । सार्वजनिक पोस्टरमा अक्षयलाई शिव अवतारमा देख्न सकिन्छ । चलचित्रमा अक्षयका साथमा पंकज त्रिपाठीले शीर्ष भूमिकामा रहेर अभिनय गर्नेछन् ।

चलचित्र ‘ओ माई गड-२’ले एउटा महत्वपूर्ण मुद्दालाई उठान गर्ने अक्षयले उल्लेख गरेका छन् । अमित रायले निर्देशन गर्ने यो चलचित्रमा यात्री गौतमको पनि मुख्य भूमिका रहने छ । उज्जैनबाट छायांकन सुरु भएको चलचित्र ‘ओ माई गड-२’ १७ दिनसम्म सोही स्थानमा छायांकन हुनेछ ।