फिल्म ‘रामायण’को राम र रावण बन्न ऋतिक र रनवीरकोे पारिश्रमिक कति ?

मुम्बई- हिन्दी भाषामा सबैभन्दा महंगो बजेटमा निर्माण हुन लागेको ‘रामायण’मा अभिनय गर्न ऋतिक रोशन र रनवीर कपुरले ७५ करोड लिएको समाचार छ । मधु मन्टेनाको निर्माण तथा नितेश तिवारीको निर्देशन रहने फिल्मका लागि दुई हिरोले ७५ करोड पारिश्रमिक लिने शर्तमा सम्झौता गरेको जनाइएको छ ।

उनीहरूले लिएको यो रकम तीन भागका लागि हो । यो फिल्म तीन भागमा बन्नेछ । फिल्मको कुल लगानी ७ सय ५० करोड रहेको बताइएको छ । मधु मन्टेनाले लामो समयदेखि यो फिल्म बनाउने तयारी गरिरहेका थिए । केही समयअघि मात्र नितेश तिवारीको निवासमा ऋतिक र रनवीर गएको समाचारहरू पनि आएका थिए । लामो समयको छलफलपछि उनीहरू फिल्ममा राम र रावण बन्न तयार भएका हुन् ।