कलाकार प्रजलिका गिरीको ‘आर्ट अफ कफी एकेडेमी’ सञ्चालनमा

काठमाडौं– कलाकार प्रजलिका गिरीले ललितपुरको सातदोबाटोमा ‘आर्ट अफ कफी एकेडेमी’ सञ्चालनमा ल्याएकी छन् । एकेडेमीको नेपाल चलचित्र कलाकार संघका अध्यक्ष रवीन्द्र खड्का र पूर्वप्रधानमन्त्री पुष्पकमल दाहालको सचिवालय सदस्य सन्तु दराईले संयुक्त रुपमा उद्घाटन गरे ।

दशैं, दिपावली, छठ र नेपाल सम्बतलगायतका पर्वहरुको उपलक्ष्यमा शुभकामना आदानप्रदानसहित एकेडेमी शुभारम्भ गरिएको हो । सञ्चालिका प्रजलिकाले एकेडेमीमा कफी बनाउँदा विभिन्न आकर्षक डिजाइन गर्ने खालका तालिम दिइने बताइन् । कार्यक्रममा नेपाल चलचित्र कलाकार संघका वरिष्ठ उपाध्यक्ष मोहन निरौला, निर्देशक हाङ चेम्जोङ, कलाकार रामेश्वर बुर्लाकोटी, विशाल लिम्बु, संगीतकार मनी चाम्लिङ, द्वन्द्व कलाकार संघका महासचिव पुन्य ओझालगायतको उपस्थिति थियो ।