फिल्म ‘अद्भुत’को पहिलो टिजर सार्वजनिक

एजेन्सी- निर्देशक सब्बीर खानको अलौकिक फिल्म ‘अद्भुत’लाई लिएर भारतीय अभिनेता नवाजुद्दीन सिद्दिकी चर्चामा थिए । टिमले चलचित्रको पहिलो टिजर समेत सार्वजनिक गर्दै चलचित्रको औपचारिक घोषणा गरेको छ । नवाजुद्दीनले टिजर सामाजिक सञ्जालमा सेयर गर्दै केही लेखेका छन् । उनले लेखेका छन्, ‘फिल्म‘अद्भुत’ को यात्रा सुरु ।

निर्देशक सब्बीरको साथ यस प्रकारको पात्रको खोजी गर्न पाउनु मेरा लागि एक रमाइलो हुनेछ ।’ नवाजुद्दीनसँगै चलचित्रमा डायना पेन्टी, रोहन मेहरा र श्रेया धनवन्तरीको समेत मुख्य भूमिका रहेको छ । फिल्मको छायाङ्कन यसै महिना सुरु भएको छ । फिल्ममा सब्बीरकै स्क्रिप्ट रहेको छ ।