बिग बोसको आगामी सिजनका लागि सलमानले कति लिँदैछन् पारिश्रमिक?

बलिउड अभिनेता सलमान खानले ‘बिग बोस–१५’ को नयाँ सिजनका लागि ३ सय ५० करोड भारतीय रुपैयाँ पारिश्रमिक लिएका छन् । उनलाई नयाँ सिजनको उद्घोषण गर्न उक्त रकम दिइने भएको हो ।  शनिबार यस वर्षको विजेता घोषणा भएलगत्तै सिजन अन्त्य भएको छ र अब यसको नयाँ सिजन सुरू हुन लागेको हो।  बिगबोस भारतीय टेलिभिजनमा सबभन्दा ठूलो रियालिटी कार्यक्रममध्ये एक हो। हरेक वर्ष यहाँ कयौं सेलेब्रेटीले भाग लिन्छन् र थुप्रै कारणले चर्चा कमाउँछन्। अन्त्यमा एक प्रतिस्पर्धी कार्यक्रमको विजेता भइ नगद पुरस्कार पनि पाउँछन्।

१४ हप्तासम्म चल्ने यो कार्यक्रमका लागि सलमानले यसपटक भने ठूलो रकमको पारिश्रमिक लिने भारतीय सञ्चारमाध्यम बलिउड हंगामाले जनाएको छ। सेप्टेम्बर १८ मा बिग बोस ओटीटी सकिँदैछ । त्यसपछि ‘बिग बोस–१५’ को नयाँ सिजन प्रसारण हुनेछ । नयाँ सिजनको सुरुवात अभिनेत्री रेखाको आवाजमा रेकर्ड भएको प्रोमोबाट हुने सलमान खानले बताएका छन् । बिग बोसको नयाँ सिजनमा करण कुन्द्रा, मानव गोहिल, टिना दत्ता, अमित टन्डन, रीम शेख, सिंबा नागपाल लगायतका सेलीब्रेटीको सहभागिता रहने छ । एजेन्सी-