कसैको चित्त दुखाएको भए माफी पाऊँ : मनोज गजुरेल

काठमाडौं- शनिबार बेलुकी सम्पन्न भएको ‘कमेडी च्याम्पियन २’को फाइनलसँगै देशले कमेडीका नयाँ च्याम्पियन पाएको छ । कमेडी च्याम्पियन(२ को उपाधि ताप्लेजुङका भरतमणि पौडेलले जितेका छन् । पछिल्लो समय उनले पूर्व युवराज पारस शाहको अभिनय गरेर झन् चर्चित बनेका थिए । रियालिटी शो सुरु भएदेखि नै चर्चा कमाइरहेका पौडेलले अन्त्यमा उपाधि पनि आफ्नो पक्षमा ल्याउन सफल भए । फाइनलमा विक्की अग्रवाल र सन्तोष थापालाई पछि पार्दै ताप्लेजुङका भरतमणिले उपाधि हात पारेका हुन् । त्यस्तै फस्ट रनरअप सिक्किमका विक्की अग्रवाल बनेका छन् भने सेकेन्ड रनरअप गोर्खाका सन्तोष थापा बने ।

कमेडी च्याम्पियन सकिएसँगै निर्णायक ९जज० मनोज गजुरेलले सामाजिक सञ्जाल फेसबुकमार्फत लामो स्टाटस लेख्दै निर्णायकको नजरबाट आफ्नै ‘जजमेन्ट’ गरेका छन् । उनले कमेडी च्याम्पियन रियालिटी शो अवधिभर कोही कसैको चित्त दुखेको भए आफूलाई माफी गरिदिन भनेका छन् ।

कमेडी च्याम्पियनअवधिभर धेरै राम्रा र प्रतिभाशाली कमेडीयनहरुलाई भेटेको र उनीहरुलाई आफ्नो कला अनुभव सुनाउने र उनीहरुबाट ‘कमेडी ट्रेन्ड’ सिक्ने मौका पाएको समेत फेसबुकमा उल्लेख गरेका छन् ।