‘लप्पन छप्पन २’ महाशिवरात्रीमा

अघिल्लो सालको महाशिवरात्रीमा रिलिज हुने घोषणा गरेको ‘लप्पन छप्पन २’ले एक वर्षपछि प्रदर्शनका लागि सोही मिति छानेको छ । निर्देशक मुकुन्द भट्टले सामाजिक सञ्जालमा दिएको जानकारीअनुसार फिल्म यो वर्षको फागुन १३ मा प्रदर्शन हुने भएको छ । फागुनको १७ गते शिवरात्रीको सार्वजनिक बिदा परेको छ । सौगात मल्ल, अर्पण थापा, अनुपविक्रम शाही आदि कलाकारको अभिनय रहेको फिल्म युरोप र अष्ट्रेलियामा सुटिङ गरिएको हो । मुकुन्दले हालै मात्र अनमोल केसी, सौगात मल्ल, पुष्प खड्का आदि कलाकारलाई लिएर ‘एक्स नाइन’ बनाउने घोषणा गरेका छन् । यो फिल्मको सुटिङ पुसदेखि गर्ने गरी तयारी भइरहेको छ ।