आमेषले ल्याए पिताको संझनामा ‘बाबा’बोलको गीत

कलाकार आमेष भण्डारीले आफ्ना दिवंगत पिताको संझनामा ‘बाबा’ बोलको गीत सार्वजनिक गरेका छन् । बुबाको मुख हेर्ने दिन पारेर उनले आफ्नै स्वर, शब्द तथा संगीतमा यो गीत सार्वजनिक गरेका हुन् । यो भिडियोमा उनले आफनो यर्थातलाई झल्काएका छन् । सोही गीतको भिडियोमा आमेषको पिताको भूमिकामा निर्देशक शोभित बस्नेतले अभिनय गरेका छन् । सुरेश न्यौपानेको निर्देशनमा तयार भएको भिडियोमा संकल्प भुजेलको छायांकन, दिन्सन शाहको सम्पादन छ ।