‘मेरी माया’ बोलको गीत सार्वजनिक (भिडियो सहित)

काठमाडौं- गायिका सन्ध्या डिले ‘मेरी माया आउँदै छिन्।।।’ बोलको आफनो पहिलो गीत लिएर दर्शकमाझ प्रस्तुत भएकी छन् । सोही गीतमा गायिका सन्ध्यालाई गायक युवराज चौलागाईंले साथ दिएका छन् । मेलोडियस शैलीको उक्त गीतले एउटा विशेष सन्देश बोकेको छ । ओएसआर डिजिटलको यूट्युब च्यानलबाट सार्वजनिक भएको उक्त गीतको म्युजिक भिडियोमा टिकटकका स्थापित अनुहार पुरुषोत्तम सिग्देललाई सुजान श्रेष्ठ, सब्बु तथा सृजनासँगै फिचर गरिएको छ ।

राजन ईशान यो गीतका संगीत संयोजक हुन् । राजकुमार बगर यो गीतका रेकर्डिष्ट हुने भने उनैले गीत मिक्सिङ तथा मास्टरिङ गरेका छन् ।रामेश्वर जिरेलद्वारा छायांकन गरिएको उक्त भिडियोको सम्पादन लोकेन्द्र सुब्बाले गरेका हुन् भने कमल योञ्जनले यसलाई निर्देशन गरेका हुन् ।