अमिताभ बच्चन फिल्मको सुटिङको लागी नेपाल आउने

बलिवुडका चर्चित फिल्म निर्माता निर्देशक सुरज बारजात्याको आगामी फिल्मको शुटिंग नेपालमा हुने भएको छ ।  ‘उचाई’  नामको फिल्ममा अमिताभ बच्चन, अनुपम खेर, बमन इरानी, निना गुप्ता लगायतका कलाकारले अभिने गर्ने यस फिल्मको धेरै जसो शुटिंग नेपालमा हुने भएको हो । भारतको अनलाइनपोर्टल पिंकभिल्लाका अनुसार अगामी अक्टुबर महिनामा सुरज बर्जात्याको फिल्म उँचाइको सुटिङ नेपालमा हुने भएको हो।

फिल्ममा अमिताभ बच्चनसहित अनुपम खेर, बमन इरानी, निना गुप्तालगायत कलाकारहरुको मुख्य अभिनय रहने बताइएको छ। साथीहरुबीचको हुने मित्रतालाई फिल्मको कथावस्तुमा समेटिएको बताइएको छ। उक्त फिल्मलाई थ्री ह्विलर्स नामक कम्पनीले व्यवस्थापन गर्ने बताइएको छ। फिल्मको सुटिङ काठमाडौंदेखि लुक्ला, नाम्चे, लाङटाङ र मनाङमा समेत हुने बताइएको छ। सुटिङ अनुमतिका लागि नेपाल व्यवस्थापन हेर्ने कम्पनीले सञ्चार मन्त्रालयसँग अनुमति मागेको छ। एजेन्सी