‘म राजेश हमाल’ फिल्मलाई राजेश हमालले किन गरे अस्वीकार ?

निर्माता केदार भुषालले चलचित्र ‘म राजेश हमाल’ बनाउँदै छन् । भुषालले उक्त चलचित्रका लागि विशेष भूमिकामा अभिनय गर्न हमाललाई आग्रह गरेका थिए । तर, अभिनेतना राजेश हमालले आफ्नै नाममा निर्माण हुँदै गरेको चलचित्र ‘म राजेश हमाल’मा काम नगर्ने भएका छन् । यो चलचित्रमा सुरुमा अभिनेता हमाललाई मुख्य भूमिकामा प्रस्ताव गरिएको थियो । त्यो भूमिकालाई अभिनेता हमालले स्वीकार गरेनन् ।

उनले यो चलचित्रको अफर अघि नै अर्को चलचित्र ‘सत्यम’मा अभिनय गर्ने सम्झौता गरेकाले यो चलचित्रको अफर अस्वीकार गरेका बताइएको छ ।आफ्नो नाममा चलचित्र निर्माण हुनु खुसीको कुरा भएको यी अभिनेताको कथन छ । तर, आफू अर्को चलचित्रमा आबद्ध भएका कारण यो चलचित्रमा काम गर्ने समय नमिलेको उनले स्पष्ट पारेका छन् ।

 

चलचित्र ‘म राजेश हमाल’मा अभिनेता आर्यन सिग्देलले विशेष भूमिका निर्वाह गर्दैछन् । यो चलचित्रले अभिनेता हमालको बायोेपिक कथा नभन्ने निर्माता भुषालले जानकारी दिएका छन् । तर, राजेश हमालको जीवनबाट प्रभावित भने हुने उनले बताए ।

यो चलचित्रमा अभिनेत्री संचिता लुइटेल, मुकुन भुषाल, महेश त्रिपाठी लगायतका कलाकारले अभिनय गर्ने छन् । चलचित्रको छायांकन धनगढीबाट सुरु गर्ने तयारीमा निर्माण पक्ष रहेको छ ।