नायक अक्षय कुमार अभिनित ‘बेल बटम’को कमाई एक सातामा १७ करोडमै सिमित

नायक अक्षय कुमारका पछिल्लो केही बर्षयता रिलिज भएका फिल्मले एक दिनमै १५ करोड माथिको कमाई गरेका छन् । अक्षयका अधिकांश चलचित्रको कमाई सय करोड माथि छ । बलिउड फिल्मलाई कोरोना कहरले कतीसम्म प्रभावित बनाएको छ भन्ने कुरा अक्षय कुमारको फिल्म ‘बेल बटम’को कमाई हेर्दा हुन्छ । अक्षय कुमार, बाणी कपुर लगायतका कलाकारले अभिनय गरेको ‘बेल बटम’ले एक सातामा १७.५० करोड कमाई गरेको छ । पहिलो दिन ३ करोड माथिको कमाई गरेको यो फिल्म विकेन्डपछि १ करोडको आसपासमै खुम्चियो ।

बलिउड पण्डितहरुका अनुसार, अब सबैको ध्यान चलचित्रको दोश्रो हप्ताको कलेक्शनमा गएको छ । भारतमा अहिले संक्रमण न्यून रहेको स्थानमा सिनेमा हल खुलेका छन्। तर पूर्ण क्षमतामा हल संचालन गर्ने भने अनुमति दिइएको छैन। राज्य सरकारले ५० प्रतिशत अकुपेन्सीमा मात्र फिल्म चलाउन पाउने शर्त राखेका छन्। हिन्दी फिल्मको सबैभन्दा ठूलो बजार मानिने महाराष्ट्रका सिनेमा हलहरु बन्द छन्।