उपमेयर पराजुलीको ‘नाच्ने हो छमछमी‘’ (भिडियो सहित)

मोरङको बेलबारी नगरपालिकाकी उपमेयर एवम् गीतकार, कवितारा पराजुलीको रचना रहेको तीज गीत ‘नाच्ने हो छमछमी’ सार्बजनिक भएको छ । म्युजिक भिडियोसहित बुधबार उनले लेखेको गीत सार्वजनिक भएको हो ।

उपमेयर पराजुलीको रचना रहेको गीतलाई गायिका सरु गौतम र गायक आर सी सापकोटाले स्वर दिएका छन् । हरेक वर्ष भदौ महिनामा पर्ने नेपाली नारीहरुको महान पर्व तीजलाई लक्षित गरि गीत सार्वजनिक भएको हो । गीतको सङ्गीत भीम बीसीले गरेका छन् । यसैगरी एरेन्ज नरेन्द्र वियोगीले गरेका छन् ।

म्युजिक भिडियोमा कलाकारहरु मेक्सम खाती, बिना राउत, सोनी महत, कजिश श्रेष्ठलगायतको अभिनय रहेको छ ।म्युजिक भिडिओमा कलाकारहरुको राम्रो प्रस्तुती रहेका कारण उक्त गीतले उत्कृष्ट भएकोले दर्शकको मन जित्ने गायिका सरु गौतमले बताइन् ।

वर्षेनी नेपाली नारी जगतले गर्वका साथ उल्लासमय ढंगले मनाउँने तीज पर्व पछिल्लो समय तडक भडक र अनावश्यक भड्किलो हुँदै गएकोले तीज पर्वको मौलिकता गरिमा जोगाउँन तिज गीतले समेट्नु पर्ने बिषयहरु समेटिएको गीतकार तरा पराजुलीले बताइन् ।

पराजुलीले वर्तमान समयमा चर्चामा रहेका गायकगायिकाहरुले गीतमा स्वर दिएको,संगीत क्षेत्रमा सफल संगीतकारद्वारा संगीत भएको र प्रतिभाशाली कलाकाकारहरुको अभिनय रहेकोले उक्त गीत सफल बन्ने दाबी गरिन् । तीज गीत वेभ रेकर्डिङ स्टुडियो अनामनगरले रेकर्डिङले बजारमा ल्याएको हो ।