रचना रिमालको तीज गीत ‘तीजको महिना छ’सार्वजनिक (भिडियो सहित)

गायिका रचना रिमालको नयाँ तीज गीत सार्वजनिक भएको छ। पछिल्लो समयकी निक्कै व्यस्त गायिका रिमालले आफ्नै आधिकारिक युट्युब च्यानलमा नयाँ तीज गीत सार्वजनिक गरेकी हुन्। तीजको पावन अवसरमा नेपाली चेलीहरूको लागि विशेष उपहार स्वरूप ‘तीजको महिना छ’ बोलको गीत सार्वजनिक गरिएको हो ।

कोरोनाको अवस्थामा बदलिएको तीजको माहोल र छोरीचेलीको वेदनालाई गीतले बोलेको छ। डिपी खनालको शब्द तथा नवीन कार्कीको सङ्गीत रहेको गीतमा रचना स्वयम् को स्वर रहेको छ। योगेन्द्र कार्कीको निर्देशनमा बनेको गीतको भिडियोमा रचना सहित अनिता बस्नेत ‘मास्टर्नी’, सविना आचार्य, रक्षा बुढाथोकी, एलिना राना लगायताको अभिनय रहेको छ। विन्दु खड्काको कोरियोग्राफी रहेको गीतको भिडियोको सिनमेटोग्राफी ,सम्पादन रङ्ग संयोजन मिराज अर्यालले गरेका हुन्।