के अभिनेता अमिताभ बच्चन अस्पताल पुगेकै हुन् ?

बलिउड अभिनेता अमिताभ बच्चन फेरि सानो पर्दामा देखिने भएका छन् । कौन बनेका करोडपति नामको कार्यक्रमको १३ औं सिजन आजबाट आउने भएको छ । यसका विभिन्न प्रमोहरु यसअघि नै प्रसारण भइसकेका छन् ।

यहीबीच अमिताभ बच्चन मुम्बईको एक अस्पतालमा पुगेका छन् । उनीसँगै उनकी छोरी श्वेता पनि भएको भारतीय मिडियाले समाचार बनाएका छन् ।

तर, अमिताभ बच्चन कुन कारणले अस्पताल गएका हुन् भन्ने चाहिँ खुलेको छैन ।

अमिताभ आइतबार अबेर साँझ अस्पतालमा देखिएका हुन् । उनी अस्पतालबाहिर रहेको एक तस्वीर बाहिर आएपछि उनका पशंसकले व्यापक चिन्ता गरेका छन् र अनेक आशंका पनि गरेका छन् ।

तर, यसबारे अमिताभ बच्चनले चाहिँ कुनै विज्ञप्ति निकालेका छैनन् । उनी बारम्बार यो अस्पताल नियमित चेकजाँचका लागि जाने गरेको पनि भारतीय मिडियाले उल्लेख गरेका छन् ।