अञ्जु पन्त र गायक बिन्ती गुरुङको ‘चोखो माया’

गायिका अञ्जु पन्त र गायक बिन्ती गुरुङको स्वरमा चोखो माया बोलको गीत सार्वजनिक भएको छ । गायक बिन्ती कुमार गुरुङको जन्मदिनको अवसर पारी एक कार्यक्रमका बीच सो भिडियो सार्वजनिक गरिएको हो ।

स्वयं गायक गुरुङकै शब्द, संगीतमा तयार पारीएको गीतमा लाहान सुब्बाको संगीत संयोजन, सन्दिप बान्तवाको मिक्सिङ मास्टरिङ तथा रेद्दी गुरुङले रेकर्डिङ गरेका हुन । रोमान्टिक शैलीको गीतको भिडियोमा नायिका नम्रता सापकोटा तथा मोडेल कमलको अभिनय देख्न सकिन्छ ।
ज्यास्मिन कृयशनको प्रस्तुति रहेको भिडियोलाई र्यान कार्कीले निर्देशन गरेका छन भने कोरियोग्राफी सुरेन्द्र बसेल, बुद्ध थापाको छांयाकने रहेको छ । भिडियोलाई गायक बिन्ती कुमार गुरुङको अफिसियल युट्युब च्यानल मार्फत सर्वजनिक गरिएको छ ।