कालीप्रसादको संगीत र मनिषाको स्वरमा ‘चञ्चल यो मन’ सार्वजनिक (भिडियो)

गायक तथा संगीतकार कालीप्रसाद बास्कोटाको संगीत एवम एरेन्ज रहेको “चञ्चले यो मन” गीतको भिडियो सार्वजनिक भएको छ । नव–गायिका मनिषा बजगाईको स्वरमा रहेको यस गितमा सन्तोस पन्त र गायिका मनिषाको अभिनय रहेको छ ।

मनको आनन्दको शब्द र चर्चित संगीतकार कालीप्रसाद बास्कोटाको संगीत तथा एरेन्जमेन्ट रहेको गीतको भिडियोलाई ओएसआर डिजिटलको युट्युबमार्फत विहीबार सार्वजनिक गरिएको हो ।

८ वर्षको बाल्यकालदेखि गाउन सुरु गरेकी काभ्रेकी गायिका मनिषाको धेरै सांगीतिक कार्यक्रमहरुमा भजन एवं गीतहरु गाइसकेकी छिन ।

पिके क्याम्पस पढ्दादेखि नै धन बहादुर गोपालीसंग लामो समयसम्म संगीत क्लास लिएकी उनले अब छिटै नै अन्य गीत एवं भजनहरु रेकर्ड गर्ने तयारीमा रहेकी छन् ।

धन योञ्जन लामाको सिनेमेटोग्राफी तथा माधव बेलबासेको सम्पादन रहेको भिडियोलाई मोहनराज अधिकारीले निर्देशन गरेका हुन् । गीतलाई ओएसआर डिजिटलको युट्युबमार्फत विहीबार सार्वजनिक गरिएको छ ।