‘ओथा सेरुप्पु’को हिन्दी रिमेकमा अभिषेक बच्चन फाइनल

बलिउड फिल्ममा पछिल्लो समय रिमेक निर्माण गर्नेको होडबाजी नै चलेको छ । एकपछि अर्को पुराना फिल्मको रिमेक बन्नेक्रम जारी रहेको छ । यही भिडमा तमिल फिल्म ‘ओथा सेरुप्पु’ पनि रिमेक बन्ने भएको छ । जसमा बलिउड अभिनेता अभिषेक बच्चन फिल्म ‘ओथा सेरुप्पु’ को हिन्दी रिमेकमा देखिने भएका छन्

२०१९ मा रिलिज भएको यो फिल्मले तमिल इन्डस्ट्रीमा कयौं रेकर्ड तोडेको थियो ।  पब्लिक वर्ड डटकमका अनुसार यसै फिल्मलाई लिएर हिन्दी रिमेक बन्न लागेको हो । यो फिल्मलाई पार्थिएपनले नै निर्देशन गरेका थिए भने उनकै मुख्य भूमिका थियो । निर्माणपक्षका अनुसार फिल्ममा उनी पार्थिएपनले निर्वाह गरेको भूमिकामा देखिनेछन् । उनले पहिलो पटक तमिल फिल्मको रिमेकमा काम गर्दैछन् ।