प्रतिष्ठानले सदस्यबाट निस्काशन गरेपछि दुर्गेशको ‘बीच्च बीच्चमा ५’

दुर्गेश थापा र पल शाहको नयाँ तीज गीत ‘बीच्च बीच्चमा ५’ रिलिज गरेका छन् । गीतलाई दुर्गेशले आफैले शब्द संगीत आफैले गरेका छन् । गायनमा दुर्गेशलाई बसन्त थापाले स्वरमा साथ दिएका छन् ।

दुर्गेशको केहि दिन अघि सार्वजनिक गरेको गीत ‘ख्यास्स पुतली’ आलोचित भएको थियो । अहिले पनि गीत आलोचित भइरहेको समयमा उनले बीच्च बीच्चमा ५ लिएर दर्शकमाझ आएका हुन् । ‘ख्यास पुतली’लाई लिएर लोक तथा दोहोरी गीत प्रतिष्ठानले आपत्ति जनाएको थियो ।

साधारण सदस्यबाट समेत प्रतिष्ठानले निस्कासन गरेपछि काउन्टर स्वरुप दुर्गेशले भाग पाँच लिएर आएका हुन् । गीतको भिडियोमा काजिश श्रेष्ठको निर्देशन र कोरियोग्राफी रहेको गीतमा दुर्गेश र पल दुबैजना फिचर्ड छन् ।