‘शिखर टेलिभिजन’को अध्यक्षमा शेखर खनाल( भुँइकटर)

हास्य कलाकार शेखर खनाल (भँुइकटरे) शिखर टेलिभिजनको अध्यक्ष पदमा चयन भएका छन् । प्रसारणमा आउँने अन्तिम तयारीमा रहेको ‘शिखर टेलिभिजन’को अध्यक्ष जस्तो गरिमामय पदमा चयन भएका हुन् ।

खनाललाई टेलिभिजनको बोर्ड बैठकले अध्यक्षमा चयन गरेको हो । बिगत लामो समय देखि खनाल नेपाल टेलिभिजनबाट प्रत्येक शनिबार बिहान ९ बजे प्रसारण हुँदैं आइरहेको पुर्वाधार विकाससँग सम्बन्धी एक मात्र टेलिभिजन कार्यक्रम ‘विकास र वहस’का प्रस्तोता हुनुको साथै निर्माता एवं निर्देशक समेत रहदै आएका छन् । उनले बिगत देखिनै रंगमञ्च र चलचित्र निर्देशक एवं हाँस्यव्यङग्यको क्षेत्रमा आफ्नो भूमिका निभाउदै आएका छन् ।

अध्यक्षको जिम्मेवारी ग्रहण गर्दै उनले भने,‘नयाँ ढंग र सोचका साथ टेलिभिजन मार्फत पत्रकारितामा छिर्न लागेको हुँ यसमा सबैको साथ र सहयोग रहनेछ भन्ने विश्वास लिएको छु ।’ उनी एक समय निकै चर्चामा आएको हाँस्य टेलिश्रृंखला ‘झ्यांईंकुटी’मा भुइकटरको उपनामबाट निकै चर्चामा आएका थिए ।