वरिष्ठ कलाकार उत्तम नेपालीको निधन

वरिष्ठ कलाकार उत्तम नेपालीको ८५ वर्षको उमेरमा आज निधन भएको छ ।

करिब तीन वर्षदेखि श्वासप्रश्वास, मुटु रोग र अल्जाइमर्सबाट पीडित नेपालीको उपचारको क्रममा शिक्षण अस्पतालमा निधन भएको हो ।आधुनिक अमूर्त चित्रकलालाई नेपालमा विस्तार गर्नमा उहाँको योगदान ठूलो छ । उनले बनाएका शिवको ताण्डव नृत्यको चित्र महत्वपूर्ण मानिन्छ ।

कलासँगै, फिल्म र साहित्यमासमेत उनको ठुलो योगदान छ । उनले गीत र भजनसमेत लेख्का छन् ।

साहित्यकार ध्रुवचन्द्र गौमत र शङ्कर लामिछानेसँग धेरै नजिक भएर काम गरेका नेपालीले नेपालको पहिलो फिल्म ‘आमा’ र अर्को फिल्म ‘हिजो आज भोलि’ मा अभिनय गरेका थिए ।

उनको आजै पशुपतिस्थित आर्यघाटमा अन्त्येष्टि गरिने जनाइएको छ ।