फिल्म ‘ओ माई गड २’मा यस्तो छ अक्षयकुमारको भुमिका

बलिउड अभिनेता अक्षयकुमार दोस्रो पटक भगवान बन्ने भएका छन् । उनी फिल्म ‘ओ माई गड २’मा उनी दोस्रो पटक भगवानको भूमिकामा देखिन लागेका हुन् । अक्षयकुमार यसैको पहिलो सिक्वेलमा भगवानको भूमिका निर्वाह गरेका थिए ।

केहि वर्षदेखि फिल्म ‘ओ माई गड’को सिक्वेल निर्माणको चर्चा रहेता पनि बल्ल सिक्वेल बन्ने तयारी पुरा भएको हो । यस फिल्ममा अक्षयकुमारले निरन्तरता पाएका छन् भने परेश रावललाई भने हटाइएको छ । परेश रावलको ठाउँमा पंकज त्रिपाठी भित्राइएको छ । भारतिय मिडियाका अनुसार निर्देशक समेत चेन्ज गरिएको छ । पहिलो फिल्म ‘ओ माई गड’ मा उमेश शुक्लाले निर्देशन गरेका थिए । उनलाई हटाएर अर्का निर्देशक अमित रायलाई अनुबन्धित गरिएको छ ।

फिल्मको निर्माण पक्षले फिल्मका लागि अभिनेता अक्षयकुमार, पंकजको अलवा यामी गौतम पनि मुख्य भूमिकामा अनुबन्धित गरेको छ भने फिल्मको छायांकन आगामी अगस्टमा सुरु गर्ने बताएको छ । अक्षयकुमारले यो फिल्मको छायांकन अघि ‘बेल बोटम’ सुटिङ पुरा गर्नुपर्ने भएका केहि समय पर सारिएको हो । उनले यो फिल्मको छायांकन सकिन साथ फिल्म ‘ओ माइ गड २’ मा लाग्नेछन् ।