अक्षयकुमारले सफल अभिनेता बन्ने तरिका सिकाउदै

बलिउड अभिनेता अक्षयकुमारले अव अभिनय सिकाउने भएका छन् । दमदार अभिनयको माध्यमबाट बलिउडमा राम्रो पहिचान बनाएका अभिनेता अक्षयकुमारले सामाजिक सञ्जालमार्फत एक भिडियो क्लिप सेयर गर्दै आफुले अभिनय सिकाउन लागेको बताएका हुन् ।

उनले सार्वजनिक गरेको भिडियोमा अक्षयकुमार कालो सर्ट र पाइन्टमा देखिएका छन् । उक्त भिडियोमा आफ्ना फ्यान शुभचिन्तकलाई भनेका छन्,‘एक भूमिकाको कसरी अगाडि बढाउने । त्यसको प्रेरणा म रियल जीवनबाट लिने गर्दछु । तपाईं आफैंले गरेको छोटो भूमिका पनि जीन्दगीभर याद राख्न सकिन्छ । यो सेसनमा म तपाईंहरु माझ आफ्नो ३० वर्षीय भारतीय चलचित्र करियरको बारेमा शेयर गर्नेछु ।’

उनले आफुले आफ्नो करियरको बारेमा समेत भिडियोमा उल्लेख गररेका छन् । आफुले देखेको एक सपना पुरा भएको भन्दै आफुलाई अभिनय सिक्न कहिलै नजुरेकोा बताएका छन् । अक्षयकुमारले अगाडी भनेका छन्,‘जब म एक सपना देख्ने अभिनेता थिए । त्यो समय औपचारिक रुपमा सिक्ने अवसर कहिल्यै मिलेन । अहिले समय परिवर्तन भएको छ । तपाईंहरु मेरो प्रोफेसनल मास्टर क्लासमा भाग लिन सक्नुहुन्छ । केही सफलता र केही नोक्सानको मेरो ३० वर्षको बलिउड अभिनय यात्राबाट केही सिक्न सक्नुहुनेछ ।’

निषेधाज्ञापछि अक्षक कुमार निकै व्यस्त रहेका छन् । उनी अभिनित फिल्म ‘सुर्यवंशी’, ‘पृथ्वीराज’, ‘बेल बोटम’, ‘राम सेतु’,‘ बच्चन पाण्डे’ र ‘रक्षा बन्धन’ कोही रिलिजको तयारीमा रहेका छन् भने कोही छायांकनमा छन् । उनले गतवर्ष रक्षाबन्धनको दिन घोषणा गरेको फिल्म ‘रक्षा’ पनि कोरोना त्रास र निषेधाज्ञाका कारण छायांकन हुन सकेको छैन।