आलियाको ‘गंगुबाई काठियावाडी’ हलमै रिलिज गरिने

कोरोनाका कारण लामो समय देखि बन्द रहेको फिल्ममा रिलिज हुन सकेका छैनन् भने केहि फिल्महरु डिजिटल प्लेटफर्ममा रिलिज भइसकेका छन् । केहि फिल्महरुले भने कोरोनाको त्रास खुल्ला र हलमा नै फिल्म लगाउने दाउमा रहेका छन् ।

यस्तै अलिया भट्ट अभिनित फिल्म ‘गंगुबाई काठियावाडी’ को ट्रेलर रिलिज गर्दै फिल्मलाई हलमा नै लगाउने निर्माण पक्षले जानकारी दिएको छ । केहि दिन अघि ट्रेलर सार्वजनिक भएको थियो । फिल्मको ट्रेलर सार्वजनिक भएपछि आलियाको अभिनय दर्शकले मन पराइदिएपछि निर्माण पक्षले हलमा नै फिल्म लगाउने निधो लिएको हो ।

फिल्म हल बन्द रहेकाले यो फिल्म ओटीटी प्लेटफर्ममा रिलिज हुने धेरैले अनुमान गरेका थिए । तर, निर्देशक सञ्जयलीला भंसालीले फिल्म ओटीटी प्लेटफर्ममा रिलिज नगर्ने बरु ढिलो भएता पनि हलमा नै रिलिज गर्ने बताएका छन् । उनले फिल्म ठुलो पर्दाका लागि बनाएको भएको हुनाले हलमा नै रिलिज गर्ने बताएका छन् । यस फिल्ममा आलिया भट्टका साथमा अजय देवगन, शान्तनु महेश्वरी कलाकारको मुख्य भूमिका रहेको छ ।